Oldis-interrail - dag 5-7

Tre dagar i Krakow låg framom oss, og vi tykte allereie då at det var litt lite...

For dette var ein by vi trivdes i; passe stor (gamlebyen), passe oversiktleg, passe utvalg, passe varmt, passe med turistar. Veldig billeg og veldig godt matutvalg.

Vi budde to kvartal utanfor gamlebyen, så vi gikk til Florianerporten på 4-5 minutt.

Paret med Florianergata attom seg, skimtar så vidt tårna på Mariakyrkja.

Ingen sak å gå "heim" med handleposar eller for å henta ein jakke.
På torget var det alltid liv og røre.
Mange opptredde og mange såg på. Hestevognene køyrde rundt og rundt i byen
Her er ei breakdance-gruppe i full sving med headspinn(?)

Den gamle tøyhallen var omgjort til basar med mange boder med ymse produkt.

Ja...dette skulle vi ha kjøpt berre for å sjå kva utdanning har å seia for soppsmaken ;-)

Laurdagskvelden var det stor konsert på eit område nedom borga, og då vi seinare sat på ein restaurant og kosa oss var det stort fyrverkerishow. Uvisst om dei to tinga heng saman...

Søndagen traska vi til det jødiske kvartalet, og kom etterkvart ned til elva. Der var det ein fin promenade, og vi endte opp rundt konsertarenaen som no var omgjort til middelaldermarked.

Det var riddarar i lansekamp, kokegrop-mat, smedar, naturprodukt og handverk.

Artig når ein plutseleg hamnar oppi noko slikt!

Eit katolsk bryllaup fekk vi òg oververa i Mariakyrkja. Noko likt, noko ulikt frå kyrkja den norske. Det mest spesielle var at halvparten av gjestane kom dinglande i løpet av viinga.
Alle med blomsterbukettar som dei bar oppned.

Søndag 21.57 sat vi klare på nattoget til Praha. Der betydde 1. klasse 2 vassflasker og to croissanter som stod klart til oss. Når sengene på 1. klasse var ca 60 cm, er eg litt engsteleg for dei som låg i overkøya på 2. klasse..... Smalt, ja! Særleg for han som vann trekninga om å ligga øverst. Men det gjekk heilt fint, ingen datt i golvet.

Kanskje fordi det humpa og dumpa så fælt at det var vanskeleg å få sova?

I kupèen på veg til Praha. Farvel og på snarleg gjensyn, Krakow. Då i lag med ungane!!

Oldis-interrail - dag 4

9.35 gjekk toget frå Berlin til Krakow, og 1. klasse betydde polstra seter, 3 og 3 mot kvarandre i eit avlukke. Elles intet. Ikkje mat & drikke, ikkje restaurantvogn. Dvs då vi nærma oss Krakow kom det ei berte med trillevogn som berre tok betaling i Zloty.... som vi ikkje hadde. Aldri har vel kaffe lukta så godt som då ho passerte...... Tenkte eit sekund på å byta ein kaffekopp mot Trygve som pant, men slo det fort frå meg ... ;-)

Her var det ein halv time stopp, og vi hadde håp om å få kjøpa oss drikke først og fremst, men òg mat. Den gong ei, intet menneske eller kiosk å sjå på denne stasjonen...

Togturen tok over ti timar, så då var det godt å ha Magasinets x-ord og sudoku å trøya tida med. Tryge bruka tida til å rekna ut gjennomsnittsfarta på det heller saktegåande toget. Trur han kom fram til ca 64 km i snitt...

Etterkvart måtte kriselageret til Trygve fram; knekkebrød, skinkeost og sprut-jordbærsyltetøy.

Vassrasjonering måtte til, vi hadde berre 3 dl på deling. ;-) Jommen sa eg 1. klasse!

Eit atomkraftverk vi passerte.... Bildetaking er òg fint å trøya seg med.

Dette hotellet låg òg nær stasjonen, så vi fann det fort og fauk ut på byen for å eta og drikka.

Bisonbiff og øl på ein restaurant ved torget smakte heilt fortreffeleg i den varme sommarkvelden. Maks feriefølelse! :-)

Og snart var ein dryg togtur gløymt og ingen var verken tørste eller svoltne!

Oldis-interrail - dag 2 og 3

Halv seks om morgonen rulla toget inn på perrongen i Berlin og gemalen vart sett på oppgåva å finna og eventuelt bestilla tog for oss til Krakow to dagar etter. Det gjekk berre fint, og neste oppgåve var å finna hotellet som skulle liggja kloss inn i Hauptbahnhof. Der ville dei lagra bagasjen vår til det var tid for innsjekk seinare på dagen.

Så bega vi oss ut i Berlins gater som var heller folketomme så tidleg på dagen. Klokka 9 hadde vi fått med oss mange av severdighetane i byen, slik er det når ein kjem tidleg i gang!

Brandenburger Tor klokka 7 ein tidleg tysdags morgon.

Holocaust-minnesmerket

Eit av måla til Trygve for Berlinopphaldet var å eta Schweinehaxe und Sauerkraut, og det fekk han. Men han ergrar seg fortsatt over at han ikkje greidde å eta opp alt....

Elles fekk vi med oss Historisk museum, Maria kyrkja, båttur på Spree, korkonsert og handel og turisme. Trygve var i Riksdagsbygningen, og i kuppelen der ein gjekk rundt og rundt til ein var heilt i toppen.

For historisk interesserte, som mannen min, var det lite med to dagar i ein så historisk by. Turist og shoppedama, var godt nøgd med å setta seg på toget mot aust.

Oldis-interrail - dag 1

Måndagsmorgon for to veker sidan forlot mannen og eg jentene hos tante, onkel og 4 guttesøskenbarn i Telemark med kurs mot Fredrikstad, der togturen vår skulle starta klokka 14.09....

Bilen vart parkert hos ein beleileg busett slektning ( 3 minutt frå stasjonen) som serverte oss velsmakande lunsj i utestova si og ønska oss god tur.

Bag og sekk + liten sekk var slunkne og lette, og alt var vel. Vi hadde 1. klasse interrailbillettar, for dama vi kjøpte dei av meinte at det var mange goder med å reisa "fint".

På første etappe til Trollhättan fekk vi kaffe-polettar og aviser å lesa. På bussen derifrå til Göteborg var det like trongt og heitt for alle klassar, men derifrå til Malmø var det i tillegg til aviser og kaffe òg frukt å få. So far , so good!

Etter rask middagskvelds på Burger King flytta vi inn i sovekupèen vår på toget til Berlin.

Ikkje visst eg at vi skulle køyra ombord på ei ferge...... men ho gjekk ikkje ned denne gongen heller, sjølv om det er veldig naturstridig å køyre både tog, trailarar og bilar ombord på eit flytande fartøy. Er det ikkje?

Kva i all verda er dette?

Alle som er innom verandaen eller har kika ut/ opp på den kjem med same spørsmål:
Kva er dette?
Ikkje rart folk spør, men det er altså her vi skal ha tomathausting utpå sommaren!
Hengjande planter, særs lettstelte og greie. Fyll opp vel halvparten med jord, gjødsling og vatning frå toppen. Voilà, tomatoes! Så seier reklamen!
Så får vi sjå!
Plantene fekk eg av Valborg, takk til ho! :-)
Desverre knakk den største planta då vi skulle tre ho inni ballongen sin, men reknar med vi får rikeleg tomatar av dei to her...... (Ironi, vi får jo intet til å veksa å gro....)

Kjellaug, brydde seg ikkje mykje om framtidig hausting, men å leika med blada var kjekt! :-(

Eg har ei stor tomatplante på verandaen òg, så no er kappløpet i gang.

Kven av plantene får (flest) tomatar, dei som heng opp ned eller den som står rett opp og ned!?

Herifrå og ut handlar det berre om kattene i huset.

Og som de ser har kattene posisjonert seg.

Georg skodar utover sitt kongerike - og litt bort på Kjellaug!

Det murrast....... Artige katter; sloss så håra fyk og et av same skål. Merkeleg!

Teater-snurr

Pinsehelga flaug (sjølvsagt) fort i veg.

Sjølv om vi bur "der ingen kunne tru at nokon kunne bu",

er ungane lik foreldra når det gjeld å vera sosiale.

Så her var det ein kjekk overnattingsgjest frå skulen slutta fredag til

skulebussen gjekk tysdagsmorgonen.

I tillegg var ein ung pinsegjest flittig til å besøka oss.

Så då var det full rulle for damene og besøket deira.

Søndag var det klart for forestilling i stova. Gjestene hadde fått invitasjon -og fribillettar - personleg overbringa, og var overvelda over at alt var gratis. Dei ga mykje i kollekt....

Popkorn i heimelaga "strutar" vart overrekt når publikum kom til billettbua.

Kostymeskifta var mange, innslaga like så....

Alle fire deltok med både trylling, dans, skodespel. Og i pausane var det blokkfløyte-reklame :-)

Publikum let vel og applauderte høgt og skodespelarane var godt nøgde med forestillinga!

Ære være kreative ungar som kan finna på noko anna enn å sjå på tv, spele data, playstation og nintendo!!! Håpar det skjer oftare!

Kort og godt innevêr

Så er den etterlengta langhelga halvveges, og finvêret dei meldte har visst funne andre vegar enn hit mellom fjella... Ja, ja fri er fri og vêret kan ein ikkje gjera noko med. Ergo har eg tilbragt nokre timar på kontoret (som forøvrig er alt for lite, snakk om å ha system i rotet...)
Og vi har vore i tre bursdagar, i dag skal eldste dottera i sin fjerde. Og då må det kort til!


Her er eitt til jubilanten på 52 som hadde invitert hyttenaboar og fastbuande til taco og kaker og avslutta kalaset med speedbåt med gjestene etter i tube og på vannski. Fantastisk!
Eldstejenta vår fekk første tur med tuben, då var taua festa feil slik at ringen låg under vatn i fart og ho bedyrar at karane heldt på å drukna ho. Men ho vart ikkje meir skremt enn at ho etter å ha svømt 100 meter mot land (i redningsvest og badedrakt) var klar for ein runde til.
Men då var ho iskald og hoppa i dusjen og hadde på seg ullkle. Bading i fjorden klokka halv elleve om kvelden utan at sommaren har vist seg, er KALDT!!


Dette kortet skal eldstejenta ha med seg på bursdag i dag, med pengar i, sjølvsagt. Det er jo ei lommebok.

Dette laga eg då "hussnekkaren" inviterte seg og foreldra på sin 39-årsbursdagsfeiring her i huset. Han har fortalt at han åt ein melkerull kvar dag då han var yngre, ergo måtte han få det
Kaker og kaffe høyrde sjølvsagt til - og heimelaga kort som ungane laga, men ingen tok bilete av.

Dette laga eg til supernaboen på 64 som er ein sjokoladeelskar av rang.

Dette er til svigerinna mi, slik litt på etterskot. Fint prikkepapir!!

Her er bursdagskort til søstra og konfirmasjonskort til ei jente. Laga over same lest, kan du seia!

Datamaskina vår er alvorleg sjuk, begge hengslene er kaputte og ho må støttast oppe av det vi har for handa. I går var det puter, i dag er det 8 kg mjøl ;-)

Men ho virkar.

Og no ser eg sola, ut med meg! God helg!