Ny månad klar til bruk...

November starta med vinter, reine skjære julestemninga, men i løpet av torsdagen kom mildveret og grønne marker att!

 

 

Denne karen kan stadig meir, pluseleg har han lært seg noko lite nytt.

Eta brødskive har han vorte ein racar til dei siste vekene, men sjølbeteninga som pappaen driv med gir ikkje mange bitane i magen......

 

Han er ein liten tv-slave, snur seg dit lys og bilde skiftar uansett.

No sit han ganske stødig, men plutseleg dett han....

 

Dordi har fått feira vennbursdag i helga, og med 18-20 ungar i huset var det liv og røre.

Men det var eit triveleg lag, der alle åt godt og kosa seg.

 

Vart så fornøgd med godteriet og fruktoppsatsen min til 10-årsdagen, og borte vart det, alt saman. I tillegg var det snacks, brownies, is og gele!

 

 

No er det berre å gleda seg til grunnskuleveke, bøssetømming,farsdag, korleir, krakowtur, bursdag og adventstid.

November er ein fin månad, tykkjer eg!

 

Highlights frå haustferien 2012

Årets haustferie vart bestemt og bestilt nokre dagar i før vi sette kursen mot Ålebyen, og vart møtt med vannrett regn.....

Det fortsette dag to òg, så det var ikkje mykje vi fekk sett av jugend-byen.

 

Her var hotellparkeringa, vegg i vegg med hurtigruta ;-)

 

 

Dei to yngste kosa seg på rommet med tilpassa stolar.

Og her oppdaga vi at speilrefleksen vår ikkje funka lenger, ergo er alle bileta i dette innlegget tekne med mobilen min.

 

Måndag troppa vi opp i Atlanterhavsparken ved opningstid og vart der heile dagen, der var det mykje å sjå og oppleva for heile gjengen, frå den yngste til den eldste.

 

Dordi er klar til å glefsa i seg sjøpølse..... ;-)

 

Ute var det eit fint område der ungane kunne laga demningar og moloar.

 

Dykkaren som mata fiskane var ein höjdare!

 

Dordi og kongeboaen

 

Dordi og ein stilig iguan

 

Etter akvariet, var Moa neste stopp, shopping må til på ferie!

 

Vi fyllte nesten resepsjonen med pikkpakket vårt då vi skulle sjekka ut....

 

Ein kjapp biltur opp på Aksla den siste dagen, og då kom sola fram òg!

 

 

Medan turfølgjet vårt sette kursen mot Sogn att,

susa vi nordover og direkte på kveldsvisitt på sjukehuset i Kristiansund for å møta

lille Åsa for første gong!

 

 

Storrundt høyrer med når vi er heime!

 

Eg og mamma reiste ut til lille Åsa neste kveld òg :-)

 

Lars og tante Hilde

 

Neste dag skulle vi møta Åsa og foreldra på Bestemors hage.

Vi kom i god tid, og kosa oss i Vanndamman i det fine haustveret.

 

 

 

På besøk hos oldemor og oldefar.

 

Nokre feriedagar går så alt for fort, men i tillegg til alt anna, så vann vi no nokre slag med kort om kveldane og vi fekk med oss ein fornøyeleg revy på Leitet, så vi var godt fornøgde då vi køyrde heimatt laurdag.

 

Vi hadde ein kaffestopp på hytta på Oppdal der pappa og Wenche hadde laga til bursdagslag for Dordi med kaker og vafler - og gåver!

 

Snipp, snapp, snute, så var haustferien 2012 ute!

Demokrati

I samfunnsfag i 1. og 2. klasse har demokrati vore eit tema i haust.

I dag var siste time denne perioden, og vi hadde jobba med alle mål og hadde kome langt i måloppnåinga.

Kva skulle vi då gjera denne siste økta som skal innehalda ein time samfunnsfag og ein halv time norsk?

 

Etter repetisjon og mål-sjekk, fekk alle elevane kvart sitt sett med bokstavane

D E M O K R A T I

Oppgåva var å klippa dei fint ut etter streka og så legga dei saman til ord.

Etter ei stund kom ein elev på at vi kunne laga kryssord:

 

 

Så gjekk vi saman to og to, og hadde 18 bokstavar å laga ord med....

 

Dette vart ei flott arbeidsøkt med mykje læring, lytting, tenking og etter kvart samarbeid...... samarbeid og demokrati i 1. og 2. klasse! :-)

Innhaldsrik veke med happy end :-)

Endeleg var dagen komen at Martha skulle få bort dei kjempestore mandlane sine.

Eg og ho reiste opp etter skuletid tysdag og tok inn på eit meget enkelt rom på Førde camping. Det var ikkje nokon verande stad, så vi ville på shopping etter ein betre middag på Peppes.  Då vi kom "heimatt" kjøpte vi oss fire timar internett-tilgang(!) og trøyde oss med data, lego, tv og lesing før vi sovna.

Neste morgon var vi tidleg oppe, og klare, men nervøse, for operasjon.....

 

 Vi tok på "engleplaster" då vi stod opp, og flinke sjukepleiarar fekk sett veneflon medan Martha fekk premietroll og tatovering.

 

Halv ti måtte eg forlata Martha sovande på operasjonsbordet, og ein time etter fekk eg koma til ho att :-) Då vakna ho akkurat, og det første ho gjorde var å smila til personalet medan ho sa "Takk for hjelpa!" Makan til pasient hadde dei visst ikkje hatt på oppvakninga :-) Ein perfekt pasient, meinte dei.

Adelheid hadde laga til ein pakke som skulle opnast etter operasjonen, den inneheldt tyggis, gelegodt og sjokolade pluss eit flott, heimelaga kort.

Det var veldig koseleg!

                                                                                                                                 

 Etter nokre timar var pasienten sprek nok til å flytta opp på pasienthotellet, dog med heisen i og med at vi skulle fem etasjar opp.

Senga var god å ha dei første timane....

 

Neste morgon etter ein god dusj og frukost, var vi klare for avgang. Martha ville på shopping for å kjøpa sølvøredobbar, sprek som berre det. Det vart både Ticket to ride og hanskar før vi hadde ein liten stopp på Plantasjen for  kjøpa blomster til Inger som var barnevakt for Kristen.

 Vel heime var det tid for lekser i lag med Dordi.

 

Denne karen var glad for å sjå oss att, og sidan sist hadde han vorte ein kløppar til å sitta (med litt støtte då..)



Laurdag kom Adelheid på overnattingsbesøk, og det var lenge og venta til klokka vart litt over eitt....

 

Dordi likar å fotografera, og Kristen er eit ynda motiv!

Fredag var han eit halvt år, og Trygve laga blautkake som Dordi pynta :-)

 

Jammen var det fine blomstrar å finna på trilleturen i dag òg,

den siste dagen i september!

 

Fortsatt god søndag, vi skal på bursdagsselskap over fjorden! :-)

Klår haust-søndag

 

Etter mange veker med regn og vind, kom klårveret

torsdagskvelden då Saga Ruby kom tøffande inn fjorden som sesongens siste cruiseskip

 

 

Fredag, etter skule og middag, tok Dordi og eg oss ein sopptur på jakt etter kantarellar.

vi køyrde inn til Innste Sande, og gjekk opp skogsvegen der.

Ingen kantarellar å sjå, berre haustblad som likna. Vi gjekk og vi gjekk, og til slutt hamna vi i Solbakken - utan ein einaste sopp i bøttene våre!

Då var det berre å luffe ned og inn og henta bilen.

 

 

Kva slags sopp er dette?

 

Laurdag køyrde vi sauesankarane opp på Murane.

Håpar dei får med seg alle sauene, slik at dei slepp fleire turar.



 

Slik ser det ut nede ved fjorden i dag.

 

God søndag! :-)

Går det an å blogge med mobilen då?????

Svaret er nei! No har eg flytta meg over på maskina.

Trur eg kunne ha skreve noko, men å leggja innpå bilete var skvett umogleg.... Fekk til slutt opp dette frå dagens trilletur, men fekk ikkje lasta opp bilete frå Tindevegen der eg var skyssdame i morges, og heller ikkje av "ny"-bilen som står i tunet her.

 

Ja, ja her er i alle fall Kristen godt plassert i vogna på saueskinnet sitt og i ly mot vind og vær. Vogna står midt under regnbogen, kan de sjå han?

Vi fekk både, regn, opphalds, sol, vind og stille i løpet av dei vel tre kilometra vi trilla.

Og i grunnen var eg godt nøgd med at det ikkje var eg som gjekk av oppe på Murane i morges i sludd og vind...

Fin fredag

 

Vekene går så fort, vips så er det fredag.

Å ha gradert permisjon kan anbefalast ( i alle fall om ein har vore sjukemeldt omtrent heile svangerskapet), to dagar på jobb og fem dagar fri kan eg lett bli vant til, kjenner eg.

 

I dag har husmora virka bittelitt.

Mannen har sortert sine eigne kle, medan eg har pakka bort alle 62- kleda til Kristen og plukka fram meir 68 og litt 74. Stor gut :-) Artig å sjå att kleda han fekk då han vart fødd, som var sååå store, men no passar det meste!

 

Slik såg det ut i ein krok då damene + ei gjestedame reiste inn på korøving. Legofriends har vorte populært her i huset - og blant dei andre jentene i same aldresgruppe.

 

Her er ettermiddagen min samla på eitt bilete:

Lys, plommer,besøk, kaffe og vafler med rømme og syltetøy, sofa, katt og strikking.

Og i kveld braut eg meg opp i hagen og fekk plukka nokre kvistar med hortensia :-)

God helg!