Skoidd-sol

Slik var utsikta frå Leri i ettermiddag:

Fascinerande med solnedgang gjennom skodda.

Kulturhelg

Laurdag var det endeleg bokbåtbesøk i Kroken att.

Epos kjem vår og haust fullstappa med bøker og lydbøker i alle sjangrar.

Og kvar gong er det teater eller anna underhaldning som alltid fengjer publikum, store som små. Denne gonge var det Per Jostein som underheldt med forteljingar, skrøner, gåter og lureri.

(Bilete frå bokbaten.no)

 Etter bokbåten har det vorte tradisjon med kafè i Fjordatunet, men det rakk vi ikkje å få med oss denne gongen. Vi venta besøk, og dessutan måtte kaka til 4H-festen lagast ferdig.

Her er Dordi framom utstillinga si, godt fornøgd, dagen før.

Her får aspirant-debutanten utdelt si første 4H-nål som bevis på bestått oppgåve.

Det var så mange fine oppgåver - og utstillingar. Dei skulle nesten stått lenger enn eitt døgn slik at fleire kunne fått sett kor flinke ungar/ ungdommar vi har.

Så var det kakespising og loddtrekking før oppattrydding. Til slutt vann vi å sjå dei tre siste dansane på tv før alle nesten slukna etter ein innhaldsrik laurdag.

-------------

Søndag var det full rulle i høyet med besøkande, sauejag og planlegging av Haloween-kostymer, før vi var inviterte på bursdagskaffe hos onkel Arne.

Og som punktum på søndagen fekk vi besøk av naboane

som forlet oss ein månad til fordel for Thailand.

Vi skal traktere katter og blomster, og samla inn post.

Ikkje misunneleg, nei..........

------------

Veka har starta bra! I formiddag fekk bonden og eg lokka alle sauene inn i fjøset

utan for mykje strev og springing.

Og i morgon kjem mamma på besøk.

(Mormor og dei sju barnebarna)

Betre og betre dag for dag! :-)

Vekene flyg....

Fredag igjen, og husmora er slakk, som vanleg....

Kle og koppar er vaska og golvet støvsuga, elles har det vore strikking, surfing, netthandel og fyring i ovnen.

Sit og motar meg opp til kakebakst, for i morgon er det haustfest i 4H,

og eldstejenta (og vi)debuterer.

Her ser de at kassen med utstillings-saker er klar til i kveld,

og oppgåveboka likeså.

Bli med ut! er ei veldig vid og grei oppgåve

for ein junioraspirant med fotoglade foreldre :-)

 I går jaga vi sauene oppom vegen, og det betyr at både vi og dei er inngjerda ;-)

Etter eit fall i går morges då gardkjerringa skulle buksera seg over, har no bonden sett ut to meierikassar slik at eg (og andre) lettare kan koma seg til og frå inngjerdinga.
(de skimtar kassane nede ved postkassen)

Denne søya tek for seg av blomsterkassens goder......

Georg og eg skal søkja oss inn på sirkus!

Då eg sette meg ned på ein materialstabel søndag, hoppa han opp på nakken min.

Og der vart han sittjande og betrakta verda.... Type, altså!

Måndag var vi i Førde og fekk sjå ein aktiv krabat som turna slik at legen knapt greidde å ta dei måla han skulle...... Får håpa h*n roar seg til mars/ april ;-)

.

"Du går nå i 19. svangerskapsuke og har 150 dager(22 uker)til termin mandag 26.mars 2012.
Babyen er nå ca 20,5cm lang og veier 235g. "
Kjekt å veta, tenkjer eg.... ;-)

GOD HELG!

:-D

9-årsjubilering

Dordi har endeleg vorte 9 år, og sjølve dagen var heile familien samla

(+ svigerfamilien til søstra mi).

Då vart nemleg vetle Lars døypt, og jubilanten fekk tørke av hovudet på dåpbarnet

etter døpinga. Stor stas!

 Her har jubilanten og dåpbarnet sneke seg til ei kosestund på kammerset :-)

Heile selskapet song bursdagssong, så flott song er det ikkje mange som får på dagen sin!

Men det måtte sjølvagt bli feiring på heimebane òg, så denne helga har vi bruka på det. Laurdag ettermiddag var det duka for hattejenteparty med 10 jenter,

og programmet for dagen var sirleg skreve ned på whiteboardet!

De skimtar så vidt tavla attom denne cowboyhatt-dama.

Som de ser, Karoline hadde òg fått på seg kjole og hatt for anledninga...)

Gjestene vart møtte med paraply-velkomstdrinkar med jordbær.

Etter at alle jentene hadde kika og beundra hattane til kvarandre, var det avstemming om kven om hadde den beste hatten. Og vinnaren vart denne:

Her ligg det mykje arbeid bak :-)

Menyen var hamburger med pommes frites,

alle fekk komponera sin eigen etter smak og behag.

Sidan var det dessert/ kake, quiz (som jubilanten hadde laga), film med snack og godteri og så litt fritt på slutten.

I dag har det vore vaksenbursdag med 11 gjestar.

Men først var det bøssebæring og sauajaging

- i morgon reiser 40 svarte og kvite får til Førde ;-)

Hausten er visst her.....

Det har i grunnen vore haustleg lenge no, men vi har ikkje gitt heilt slipp på håpet om sommar i september. Inntil i går. Då rydda mannen tunet fritt for stolar og bord, hardt medfarne blomsterkrukker og sommarleiker.

Resultatet vart bra, så bra at mannen sporenstreks tok i bruk tunet til parkeringsplass.

Der pick-upen står, skal det bli plen og kanskje ein liten oppbygd urtehage til sommaren. Frå verandadøra og litt bortom trappa som de  så vidt ser i skal det bli platting.

Holet til venstre er septikktanklokket som vi lyt gjera noko med sidan det kjem rett under terassen. Klessnora skal flyttast til andre sida av huset der vaskerommet er.

Ting tek veeeldig tid her i huset......

Då vi reiste på sommareferie og potetåkeren enno ikkje var pløyd, tok mannen i huset ansvar og sette 3 poteter ned i kvar si krukke.

Vi får vel setta av ein dag til potetopptaking......

På jordhaugen som har lege i tunet vaks det tre solsikker som vart flytta over i  krukker då haugen vart fjerna. No er det visst berre ei av dei att i god skikk.

Då blomsterkrukkene vart flytta inn i kjellaren, fekk eg berga dei få blomstrane som var friske og raske. Dei fekk god plass i ein vase. Og då eg var på sauegjeting i morges fann eg tre raudkløverar og ein smørblomst som eg supplerte med.

I vasen bak er det gravenstein og prinse-epler. Sommar- og haustgoder på same bord!

."Veslemøy ved Rokken"
           av

    Arne Garborg

D'er Haust. Det ruskar ute

med Regn og kalde Vind.

Smaafuglen flyg mot Rute

og vilde gjerne inn.

Men under Omnen god,

der ligg paa Sekkje-Pute

han gamle Mons i Ro.

Der ligg han trygg og drøymer

Og blinkar stilt og smaatt

og alt i Verdi gløymer

og hev det varmt og godt.

Og segjer ingin Ting,

men liksom inn seg gøymer

med Rova sveipt i Kring.

Som Silke-Nøste fine

han ligg i mjuke Skinn

med Svevn i kvar den Mine

og alle Kløar inn.

Og glyrer likesæl

med kloke Augo sine

og murrar smaatt og mèl.

Skal vìta kvar du vankar

i blide Draumar no?

Kann hende dine Tankar

seg svæver lint til Ro

i gamall Minne-Krins,

som stilt i Hop seg sankar

fraa den Tid du var Prins?

Venaste Prins i Verdi

du gjekk i Skogen grøn

med Gullhaar yvi Herdi

og ung og keik og kjøn

og tenkte paa den Møy

som gjekk og henta Bæri

so vide under Øy.

Daa kom den Trollheks blide

med Sving og Sveiv og Svins

fraa Trolleheimen vide

og saag den vene Prins.

Men skræmd han fraa ho skvatt.

Daa las ho Trollbøn stride

og gjorde han til Katt.

Sidan so vidt han flakkar

igjenom Skog og Skar,

langt yvi Berg og Bakkar,

og kjem til okkons Gard.
Her kann i Ro han døy.

Her vil han kvile, Stakkar,

og tenkje paa den Møy.

Aa hu! det ruskar ute

med Regnvind sur og graa;

Smaafuglen flyg mot Rute

og liksom bankar paa.

Men under Omnen god

du Mons paa Sekkje-Pute

skal drøyme lognt i Ro.

Men gode, gamle Georgen ligg ikkje attmed ovnen,

men i godstolen for å ha den beste utsikta utover sitt kongerike.

God haust og god helg!

Nokon med grøne fingrar og klokt hovud?

Når ein tilbringer halve dagen i og ved sofaen,

legg ein merke til ting ein ikkje har sett før (eller eventuelt har oversett...)

Bonsai-treet vårt, foreksempel. Det har liksom fått eit villskot. Skal eg klippa det bort? Vil egentleg tru det, men er ikkje sikker. Resten av treet har fått mange nye, grøne blad. Det er ikkje p.g.a. stell at det har fått ein ny vår, det likar sikkert regntid og skodde.

Klippe eller ikkje??

Globeliaen ( trur eg den heiter) fekk eg av mannen min før påske for at den skulle stå i ein samanplanting med påskeliljer.

Den blomstra og blomstra av, og sidan vart den berre  ståande her i glaset.

Plutseleg var den full av knoppar, og no har den stått lenge med minst dobbel så mange blomstrar som i vår. Heller ikkje den har fått regelmessig stell, men kanskje den likar dei kalde kaffeskvettane våre?

 (Det eg har sett mest på desse sofa-vekene er dei umåla vinduskarmane,

som blir mørkare og mørkare for kvar dag.

Men i morgon skal det kjøpast inn måling, så får eg ta ei fjøl om dagen utover hausten)

 Denne voksblomsten fekk eg av søstrene mine for fem år sidan då eg vart påkøyrt bakfrå av ein pansra Jeep i 70 km/ t.

Den har stått i glaset og blomstra med fine rosa skjermar med jamne mellomrom.

Sikkert ein voldsomt hardfør sort, dette, som kan overleva 5 år her i huset.

No har den fått nokon lange "stenglar" utan blad e.l.

Kan eg klippa av desse, eller må eg fortsetta å gøyma dei inni resten av blomsten?

(Berre for at dei skal spretta ut att i løpet av dagen....)

 Det vart eit kort i full fart i gårkveld òg, ikkje mykje dill og dall. Men litt artig bretting og ein racerbil gjorde susen, tykte eg ;-)

I dag har eg planer om å steika farmorlefse/ tjukklefse, men blir det ikkje i dag, får eg gjera det ein annan dag.

Fin filosofi!

Kortgleder på kontoret

I dag har eg kosa meg på kontoret med litt kortlaging.

Først vart det eit trappekort med nydelege ark frå Pink Paislee som eg bestilte frå Papirplaneten

Det er nesten for gale å "øydelegga" det fine papiret med pynt.

Veit ikkje heilt kva eg skal gjera med det....

Så vart det eit anna brettekort til ein gutebaby som vi skal på besøk til i morgon.

No må eg vel koma meg bort frå pulten og vera litt husmor ;-)