lørdag 1. mai 2010

Vårslappå???


Frisk som ein fisk og sprek som ei sidrumpa loppe,
men så trøytt!!
Kan ikkje fatta at det skal vera så umuleg å ikkje gjespa frå i 4-tida til eg legg meg?

For det gjer eg, gjespar altså og føler at eg kunne ha sovna kvar som helst når som helst.
(Ja, kanskje ikkje på ein travande hest slik eg høyrde ein kar hadde gjort i natt, men alle andre stadar.)

Og når eg tenkjer på tomme blomsterkrukker+stemorsbrett som har stått i loftstrappa ei veke eller to, og eit stovetak som skrik etter måling, blir eg ikkje mindre trøytt og slapp!

Det er nok best eg sit her eg sit; med Georg-katten og internettet (som ein kollega seier) i fanget, telefonar og kaffekoppen innan rekkjevidde. Så kan eg duppa av litt når eg vil.
I mellomtida håpar eg arbeids-feen (må jo finnast sidan tannfeen er her så ofte), svingar tryllestaven og strør om seg med vakenheit og tiltaktslyst over meg - alternativt kan feen fiksa hus og mat til taco-kveld med gode naboar om eit par timar ;-)Det gler eg meg til, måtte eg la vera å gjespa!
God laurdagskveld!
PS! Bildet er frå ein tur eg gjekk i går, fordi eg ikkje ville sitja og sova inne blant folk medan eg venta på at jentene var på korøving, så noko godt (les: trim og frisk luft) kan det koma ut av vårslappheita mi! ;-)

1 kommentar:

  1. Hei og god morgen! Håper du sover nå, slik at gjespingen er borte idag, hehe. FInt bilde!

    Så koseelige du likte feriehuset vårt, takk! Det er faktisk ikke så langt unna hovedhuset, det ligger rett nedenfor, men hva gjør vel det når man får feriefølelsen der?:-) Veldig artig å ordne istand, har litt maling på hendene selv etter white sprit runde nummer to;-) Ha en finfin dag, mvh Marianne.

    SvarSlett