tirsdag 24. august 2010

Hylle-hyllest og hylledag

Hylla er undervurdert, men ho gjorde underverk for kontoret - og meg!

Kontoret mitt - og dei andre romma i 1. etasjen har vore ferdige sidan i vår, men utan hyller var dei null verdt!

Denne veka kom det opp fire hyller på kontoret mitt, stor takk til mine to snekkarmenn!
Og på 1-2-3 vart det eit visst system i kaoset som har råda der. No skal det seiast at eg slett ikkje er fedig med systematisering, sortering og kasting, men eg er på god veg!

Velkommen inn for ein kikk!

Dette er utsikta frå kontorstolen, kan ikkje klaga på den!


Denne hylla er laga av eit bordkledingsbord som faktisk var festa på akkurat denne veggen og nesten på same plassen då den var yttervegg for vel eit år sidan. Har berre vaska ho, og høvla litt - er grueleg fornøydd med denne hylla! God og brei, tjukk og solid! (Vart nesten ein beskrivelse av kontorets eigar ;-)


Denne hylla og dei to under, er òg gjenbrukshyller. Dei kjem frå kjøkkenet og er så gode som nye. På øvste hylla har eg plassert sysakene, som eg (desverre) reknar med kjem til å bli lite bruka..


Kjøpmannsdisken stod på stabburet her før og inneheldt mjøl og gryn. Musa har gnagd seg hol inn både framme og bak, og knottar manglar på mange skuffer. Men eg tykkjer det er eit sjarmerande møbel, om enn litt monumentalt på eit lite kontor....


Til slutt lyt eg syna eit bilete frå rommet over gangen. Trur de ikkje bua fekk hyller same dag som kontoret mitt. No kan vi snart pakka opp att alle kjøkkenmaskiner og -dupedittar, det er fort vi fyller ei bu!
Trur eg innfører hylla sin dag her på garden! Ho fortener oppmerksomheit!
21. august vil eg feira den, då kom det hyller på kontor og bu her i år.
Hipp hurra for hylla!

2 kommentarer:

  1. Prøver igjen! Veldig fint og funksjonelt hjå deg no =) Kjempe fine liftgardiner og ikkje minst utsikt. Eg er so enig med deg, det er so kjekt med gjenbruk, drive mykje med det eg og, men har dessverre ikkje noko gard med fine, gamle ting. Kjøpmannsdisken var skikkeleg sjarmerande! Gleda meg til å følgje utviklinga i huset ditt her på bloggen!

    SvarSlett
  2. Hyller er eit must, ja, og aller kjekkast er det om ein kan finne bruk for "hyller på vent". Eg har sakna den flotte utsikta dei åra eg har vore vekke, godt å komme tilbake til den :-) Det nye tilbygget dykkar vart kjempeflott forresten!

    SvarSlett