I dag inviterte vi to vennefamiliar på bacalao.
Det har vore så mykje snakk om bacalao og oppskrifter i det siste, og i dag vog eg opp ingrediensane før eg byrja.
I dag hadde eg i meir fisk enn eg vanlegvis brukar, og det gjorde at dagens koking vart litt for salt.
Dagens oppskrift var som følgjer:
1, 3 kg klippfisk (lagt i vatn i gårkveld)
3,6 kg potet (fekk ikkje plass i panna til alt.......potetgull til kvelds av 200-300 g)
750 g lauk i halve ringar
2 små glas tomatpurre
ca 1/2 flaske ketchup
1-2 dl olje
200 g margarin
peppar
vatn
- Ha olje og vatn i botn av kasserollen slik at det dekkjer botn, og vel så det.
- Legg lagvis: potetskiver, fisk, lauk, peppar, ketchup, tomatpurè, melange
- Når alt er kome i kasserollen heller eg på vatn (skyljer purèglas og ev. ketchupflaske)
- Set på lokk og la det koke 1-2 timar. Ikkje rør i gryta, men drei den rundt på plata nokre gonger medan det kokar. Heilt til slutt vender du forsiktig frå kanten og inn mot midten nokre gonger for å blanda det som ligg oppå lenger ned.
Etter eit par timar, ser det slik ut under lokket:
Vi brukar makaronistuing til, og synest det passar godt i lag.
Flatbrød høyrer òg til!
Min bacalao er ikkje sterk og ikkje så feit, men vi likar den akkurat slik!
Lykke til om nokon prøvar seg, eg gler meg til å høyra om resultatet!
Her er kveldens reste-måltid; heimelaga potetgull!
Ingen kommentarer:
Legg inn en kommentar