Julaften vakna vi til vind og regn og mange plussgrader.
Jentene og eg fekk med oss litt Askepott før vi måtte kle oss om og køyra i veg.
Først var vi innom Lerisbua med julegåver, så bars det til Fortun og julegudsteneste.
Heime venta Kristen og Trygve - og lukta av saueribba som eg sette i ovnen før eg reiste!
I år var vi så heldige å ha besøk av Helga på julaften.
Og etter å ha ete middag, var vi klare for å sjå kva som var inni pakkane.
Kristen fekk det han ønska seg mest: mange traktorar og andre framkomstmiddel.
Like glad for kvar og ein.
Martha pynta han med rosett i håret, og ansiktet hans då han fekk sjå seg sjølv i speilet med rosetten i håret var ubetaleleg!!
Helga hjalp transportøren vår med twist-lessing og -lossing.
Twistane gjekk fram og tilbake, frå skåla på bordet,
opp i ulike traktorskuffer og tilbake att, mange gonger.
I år fekk eg viljen min når det gjaldt juletre, ein fin eine vart treet vårt.
Slankt og fint, tykte eg!
Jentene var litt skuffa; skal det vera juletreet vårt??
Men no har dei nok vendt seg til det.
Tredje juledag vart dei store lysa mørke, så no er det berre ei lita lysslynge att.
Men det ryss så fælt, at det er ikkje aktuelt å prøve å få dei av og nye på.
Kristen og eg laga til julefrukosten 1. dag.
Han var behjelpeleg med det meste!
Jammen fekk han ikkje body med traktor òg!
Jentene og vi fekk mange spel i år.
Her er det Kortskalle-speling.
Sussi ventar på at vertsfolket hennar skal koma heimatt frå julefeiring i Bergen.
I mellomtida må ho klara seg med mat og klapp frå oss...
2. juledag gjekk Trygve seg ein tur opp skogsvegen og nedatt om Vassgjerdet.
Eg gjekk han i møte, men stoppa på Krekahammaren for å skremma han i skumringa ;-)
Årets jul går inn i historien som ei sosial jul
med god mat, kjekke gjester, trivelege juleselskap og roleg tempo.
Akkurat slik vi likar det!
No er vi klare for sein frukost i Solbakken,
seinare skal Trygve og og jentene på juletrefest i Fortun.
Ingen kommentarer:
Legg inn en kommentar