Mikkel Rev, Snømannen Lerum og nokre Tupper.....

Måndag var Kristen og ute for å henta Thea og Marianne som ville koma på besøk.

Det var ikkje så lett for "reven" å forstå at han ikkje kunne hoppa i søler og setta seg ned når han ikkje hadde regnkle eller dress...... Men vi hadde no tørre kle heime ;-)

 

 

Ein listig grøfte-rev...

Tysdag og onsdag kom det ganske mykje snø, og brøytebilen tok turen utover fleire gonger om dagen. Torsdag derimot regna det. Og Mesta ville stengja vegen innover pga rasfare.

Jentene og eg reiste heim frå skulen etter første økt, og fekk ein lang dag heime.

I tunet stod ein av desse Lerum-karane og vakta inngangsdøra.

 

Fredag skulle det vera Tupperware-party her, og vertinna var litt bekymra for at ingen torde å koma hit fordi gjestane frykta veg og føre. Men sidan torsdagen vart kort på jobb, fekk eg gjort mykje heime. Så alt var klart i håp om at det gjekk etter plana.

Og mattene eg fann på Nausthaugen vart lagt på for anledninga. Kjempefine, sjølv om Kristen snublar og dett fordi dei er glatte og glir.

 

Men 7 tøffe (?) damer kom frå alle krokar, både Sørheim, Sogndal, Urnes, Kroken, Skjolden og Fortun var representert. Og både handelen og praten gjekk lett!

Mykje freistande og praktisk å få kjøpt.....

 

Bestillingar medan dei drakk kaffe og åt (alt for lite) kaker.

 

Laurdag var jentene og eg i Sogndal for å sjå Doktor Proktor

(etter at første forsøk torsdag stranda med stengt veg).

Etter litt shopping var vi klare for kino, men jammen var alle billettane solgt då vi kom fram til billettluka...... Trur ikkje det var meint at vi skulle sjå filmen...

 

Søndag var Trygve og eg ute og besiktiga vegarbeidet.

 

Det var litt glire vèr, og figurane var langhåra,

men alt skjegg var i alle fall borte!! :-D

 

Ordentlege støypekantar!! Ikkje noko tull! 

 

I dag stod eg tidleg opp for å baka kanelsnurrar, for endeleg skulle vi bort i Luster for å helsa på den vesle grandonkel-guten som blir ein månad i morgon.

 

Lua har vore ferdig lenge, men sjølvsagt hadde eg ikkje gjort den heilt ferdig...

Men mellom steikingane, vart ho likevel fullført -i siste liten.

 

I ettermiddag er Martha på bading på Fjordstova, Trygve er på styremøte i grendalaget og Dordi er ute her og hoppar på trampolina og stikk innom fjøset for å sjå om dei seks lamma som er kome har det fint.

Heldigvis er det vår att etter vintervisitten midt i veka, og sjå på langtidsmeldinga framover:

 

Denne brillefine pose-guten og eg trøyer oss inne med Store maskiner og Drømmehagen.

-Og så kaker frå fredag og kanelsnurrar... Står ikkje på! :-)

 

Kjøle te græiå!

No har det regna så mange dagar at eg har kome av talet....

Men vi heng ikkje med nebbet av den grunn!

 

I soveperiodane til Kristen desse dagane, har ekteparet svinga seg på loftet.

Så det er ikkje så gale, at det ikkje er godt for noko.

Der oppe trongst det nemleg ein innsats!

 

Her er nokre av leikene til Dordi og Martha som no kjem Kristen til gode.

Han sette i gong med å tre ringar på pinnane med ein gong...

Lurar på om vi har understimulert han.....

Hugsar de att leikene, jenter?

 

Men, og det er eit stort MEN oppi dette:

og menet heiter STØV!

Ufattelege mengder med støv har busett seg på loftet,

og i går toppa det seg då husbonden gjekk laus på soverommet vårt og tømte det!

Heile huset vart fullt av støv, trur eg.

Greitt så lenge det ligg i ro, men no fekk mannen blod på tann: Støvet skulle bort!

Lungene mine formeleg kjente at støvet kom ned gjennom tregolvet....

Og no er eg i loftskarantene!

Pustar som ein 90-åring og supar ventolin og kaffe om ein annan!

Så då må eg finna på noko som er nyttig for fellesskapet eg òg, medan Trygve fortsatt ryddar på loftet. I dag er det loftsgangen son skal til pers!

 

Ein dag baka eg muffins!

Og dei vart veldig gode, til og med mannen som ikkje likar muffins, tykte desse smaka godt.

Bruka denne oppskrifta, og putta nokre frosne bringebær i kvar form.

Lunkne med is til var dei veeeldig gode, men Kristen og foreldra likar dei kalde òg!

 

I dag var som sagt pusten på eit lågmål, så eg har vore mest ute.

Først rusla vi ein trilletur ut til "Verdens ende".

 

Og då Kristen hadde lagt seg, kom eg på at eg skulle prøva meg på ein sykkeltur.

 

Eg arva sykkelen til Kari Johanna då ho flytta frå Sørheim, og har heile tida trudd han var punktert.Men då syklane til ungane vart fiksa til sykkeldagen, fekk denne òg luft i dekka og er friskmeldt!

Ein orange Cresent-sykkel med tre gir (som hoppar litt) og sykkelkorg.

Det var faktisk opphaldsver på turen min inn til Magnhild,

så t-skjorte og tights var nesten nok kle......

Eit bilde frå verandaen der mannen stod og vifta med flagg då eg sykla av stad ;-)

 

Målet mitt for turen var å plukka fiolar.

I tillegg har eg plukka rosenblad.

Eg er snart klar for mitt neste prosjekt........... ;-)

 

Akkurat no kom eit solstreif inn verandadøra...

Kan de skimta det på bildet under?

Kanskje det ekstreme nedbørsvarslet ikkje slår til her mellom høge fjell?

Det er lov å håpa!
I morgon og 9 dagar framover melder  dei i alle fall sol og fint.

Det  varselet bør slå til!

Trur bestemt at sol er bra for pust og lunger!

 

 

 

Surdeigsbrødbakedebut

Svoger Ola er så flink på kjøkkenet, og har mange triks og finessar å læra bort.

Då vi var der på besøk fekk vi servert eit kjempegodt surdeigsbrød.

Og vi var så heldig å få med oss  ein boks med surdeig heim.

Opprinneleg fekk Ola surdeigen sin frå sjølvaste Morten Schakenda i Lom,

så dette er ikkje noko tull!

 

I dette glaset lever surdeigen vår gode dagar i kjøleskåpet.

Han treng mjøl og vatn-pleie ein gong i veka, elles er det lite styr med han.

 

Perfekt etter pleien han fekk søndag!

 

Søndag ettermiddag, kom vi på at vi ville baka litt av surdeigen og, ikkje berre pleia han.

Og vi sette i gang...... Utan å tenkja på at dette tek litt lenger tid enn med vanleg gjær.

 

Først hadde vi i vatn, olje og honning.

 

Og etterpå litt rug og sammalt kveite.

 

Før vi hadde i kveitemjøl til ein god deig.

Og så elta vi lenge!

 

Så skulle den eva til dobbelt størrelse.

Det tok 6-7 timar, og då var klokka 1 om natta....

 

Då elta vi deigen godt og forma den til eit brød på ei steikeplate....

 

Så skulle den få ein fuktig kopphandduk over seg,

og atter ein gong heva seg lenge.

Denne gongen i 4-5 timar...... 

 

Klokka fem vakna Kristen (nesten som bestilt).

Han fekk flaska si, eg tok fatt som bakar!

Strødde litt rugmjøl over brødet, og skar eit rutemønster i det.

 

Og etter ein time i ovenen ( og ein time på sofaen for min del),

kom det ut slik:

 

Voila! Det var luftig og godt,

men skulle ønska det hadde vore litt høgare og ikkje så "vidt".

 

Sidan bakaren var så heldig å ha første Kristen vakt (gjesp!)

fekk vi æra av å smaka på brødet først.

Vi smurde rikeleg med smør på kva vår halve kakskiv,

og tykte det stod til med ferskt brød til frukost!

 

Konklusjon på surdeig-debuten:

 

Vi fekk det til!                               

Vi må byrja litt tidlegare på dagen!

Vi prøvar fint brød neste gong!